Web gune honek bere cookiak eta bitartekoenak erabiltzen ditu zure nabigazioa optimizatzeko, zure lehentasunetara egokitzeko eta jarduera analitikoak egiteko. Nabigatzen jarraitu ez gero, gure Cookien Politika onartzen duzu.

Onartu

Misioa, Bisioa eta Baloreak

MISIOA

Beste eragile batzuekin elkarlanean, mundu oparoagoa, zuzenagoa eta inklusiboagoa eraikitzen laguntzea, gizartearen eta erakundeen erronka nagusiei erantzunez, ingurune globalean enpresa proiektu iraunkorrak sustatuko eta gidatuko dituzten profesionalei prestakuntza eskainiz eta haien bidelagun izanik, eta diziplina arteko jakintza sortuz.

2025erako IKUSPEGIA

Negozio eskola bikaina izatea, gazteek, profesionalek, enpresek eta erakundeek hautatua eta balioetsia, nazioan zein nazioartean, eraldaketarako lidergo humanistikoan erreferentea, gizartearekin konprometitua eta nazioarteko estandar zorrotzenekin lerrokatua.

2025. urterako, Fakultateko taldeen arteko kohesioa indartu nahi dugu, Deustuko Unibertsitateko beste fakultate eta zentroekin ditugun sinergiak aprobetxatu, irakas-ikaskuntza ereduan berrikuntzak egin, unibertsitateko graduondokoetan eta executive education arloan modu iraunkorrean hazi, ikerketa sendotu eta transferentzia indartu, esparru guztietan (irakaskuntza, ikerketa eta transferentzia) nazioartean proiekzio handiagoa bilatzeko lan egin, eta enpresekin, erakundeekin eta gizartearekin sareak ehuntzen jarraitu.

BALOREAK

Honako hauek dira Deusto Business Schoolen balioak, Jesusen Lagundiaren tradizioan inspiratutakoak:

  • Bikaintasuna. Gure lanean, kalitaterik gorena bilatzea. Gure jarduna zorroztasunez eta gaitasun teknikoz egitea, baina, aldi berean, giza kalitate sakonaz. Geure onena ematea eta, beti, harantzago joatea bilatzea. Aurrera egitea eta hobetzea.
  • Zintzotasuna. Gure zereginetan eta besteekiko harremanetan zintzoak eta zuzenak izatea. Hartzen ditugun erabakien ondorio etikoez jabetzea eta zuzentasunez eta erantzukizunez jardutea, guztion ongia bilatuz, bereziki talde zaurgarrienena eta kaltetuenena.
  • Lankidetza. Erronka komunei aurre egiteko orduan, besteekin batera lan egiteko beharra eta lan egitearen balioa aitortzea. Banakako interesak gainditzeko gai izatea, guztion interesen alde lan egiteko. Proiektu bat aurrera eramaterakoan, taldean lan egitea, emaitza zatien batura baino gehiago dela jakinik.
  • Irekitasuna. Berria dena, bestelakoa dena, mundua, gogotsu hartzea. Gureaz bestelakoa den horrek eman diezagukeen balioa eta aberastasuna aitortzea: beste herrialde, beste kultura, beste erlijio batzuetako pertsonak; ideia berritzaileak, gure sinesmenak zalantzan jartzen dituzten ikuspegiak. Gu bezalakoak ez direnak besoak zabalik hartzea, enpatiaz jokatzea, errespetatzea, balioestea, haiekin hitz egitea, elkarrekin bizitzea eta lan egitea.
  • Kemena (Ekimena/Proaktibitatea/Berrikuntza eta Ekintzailetza). Errealitateari ikuspegi kritiko batetik begiratzea, erronkak eta aukerak identifikatuz; gai izatea oraindik konpondu gabe dauden arazoentzat irtenbideak proposatzeko; borondateak batzeko, ideiak ekintza bihurtuz; aldaketa errealitate bihurtzeko, balio partekatua sortuz.

Ekitaldiei buruzko bideoak

  • Cristina San Salvador entrevista a Mireya García (APNABI)