Web gune honek bere cookiak eta bitartekoenak erabiltzen ditu zure nabigazioa optimizatzeko, zure lehentasunetara egokitzeko eta jarduera analitikoak egiteko. Nabigatzen jarraitu ez gero, gure Cookien Politika onartzen duzu.

Onartu

ESG Investment and Finance Summer Programme

Lekua

Deustuko Unibertsitatea

Euskalduna jauregian izango den 1. BISCAY ESG Global Summit-ean parte hartuko dute.

Hizkuntza

Ingelesa

Prezioa

  • Profesionalak: 800 €
  • Ikasleak eta langabetuak: %65ko beherapena izango dute (Bizkaiko Foru Aldundiaren diru laguntzari esker)
  • Talentia ikasleak: beste %50eko beka

Ziurtagiria

Deustuko Unibertsitateak luzatutako gaitasun agiria

Jar zaitez gurekin harremanetan eta lagunduko zaitugu

Silvia Mak
silvia.mak@deusto.es
Tel: +34 944 139 359

ZER DA ESG INVESTMENT AND FINANCE SUMMER PROGRAMME?

Norentzat?

null

 

Taldea profil ugariko 50 ikaslek (gehienez) osatuta egongo da. Ingeleseko C1 maila eduki beharko da.

  • 3. mailako edo goragoko ikasleentzat, EAZ, Zuzenbide, Nazioarteko Harreman edo Ingeniaritzarekin lotutako arloetakoentzat, gizarte erantzukizunean eta finantzetan interesa dutenentzat.
  • Profesionalentzat (ikuskatzaileak, aholkulariak, etab.), gehienez ere 5 urteko esperientzia izan eta ESG informazioaren mundua ulertu nahi dutenentzat.

 

Programa trinkoa eta zure beharrizanetara doitua

Nork emango dizkizu eskolak? Ezagutu irakasleak

ESG alorreko erreferentziako profesionalek dinamizatuko dituzte klaseak. Aukera izango duzu nazioartean ezagunak diren enpresaburuekin banan-banako elkarrizketak partekatzeko.

2017ko programaren irakaslegoa ikusi

Laguntza behar baduzu, jarri gurekin harremanetan

Diego Castresana
2017ko ESG Summer Programmeko ikaslea

Diego Castresana"Summer Programme programa Biscay ESG Global Summit Inbertsio Arduratsuaren batzarrarekin integratzeak ahalbidetu zigun ESG ekosistema osoko eragileen rola ikustea: enpresak, kalifikazio agentziak, inbertsioa edo gobernuak"

Informazio gehiago
Ezkutatu informazioa
+-

Nire helburua, hasiera-hasieratik, finantza sektoreko arlo honen inguruan ikastea zen: arloa interesatzen zitzaidan, baina uste nuen neure aldetik ez nuela behar bezala ulertuko. Eta murgiltzea oso egokia izan zen, ESG irizpideak erabiltzen liderrak diren finantza erakundeetako nazioarteko hizlariak entzuteko aukera izan baikenuen.

Programa oso-osoa da, luxu bat da Bilbon egin ahal izatea. Gainera, Summer Programme programa Biscay ESG Global Summit Inbertsio Arduratsuaren batzarrarekin integratzeak ahalbidetu zigun ESG ekosistema osoko eragileen rola ikustea: enpresak, kalifikazio agentziak, inbertsioa edo gobernuak. Programari dagokionez, azalpenen argitasuna eta saioen aplikazio praktikoa nabarmenduko nituzke.

Alde batetik, programak aukera eman dit ongi ulertzeko zer diren eta nola funtzionatzen duten ESG irizpideek eta zergatik ari diren abiada bizian txertatzen inbertsio prozesuetan. Gainera, konturatu naiz epe luzera neure lan ibilbidea inbertsio iraunkorraren sektorera bideratu nahiko nukeela.

Sofía Burguillo
2017ko ESG Summer Programmeko ikaslea

Sofía Burguillo"ESG Summer Programme programari esker ikusi dut printzipio etikoak ez direla filantropiara mugatzen, baizik eta enpresen emaitza ekonomikoak hobetzen ere lagun dezaketela."

Informazio gehiago
Ezkutatu informazioa
+-

Interesgarria iruditu zitzaidan finantzetara ohikoaz bestelako ikuspegi batetik hurbiltzea, gaurkotasun handikoa, gainera. Oso aberasgarria iruditu zitzaidan konpainia handietako profesionalei entzutea, horien artean, BlackRock, PwC, Amundi edo Iberdrolakoak, pertsona talde nahiko txiki bati hitz egiten.

Astean zehar, hainbat konpainiaren ESG ekosistemako eragileak ezagutzeko aukera izan genuen eta, hala, bakoitzaren banakako begiradatik, ikuspegi globala eraiki genuen. Bestalde, ikusi genuen ESG irizpideak jarraitzen zituzten enpresak gai zirela arriskua gutxitzeko eta horrek, azken batean, epe luzeko emaitzetan egonkortasuna esan nahi du. Saioak dinamikoak eta interaktiboak izan dira eta horrek ikasitakoaren inguruan gogoeta egiten lagundu digu.

ESG Summer Programme programari esker ikusi dut printzipio etikoak ez direla filantropiara mugatzen, baizik eta enpresen emaitza ekonomikoak hobetzen ere lagun dezaketela. Gainera, finantza munduaren ikuspegi zabalagoa eman dit, gogoetarako gonbita egiten duena eta errentagarritasuna-arriskua binomioa ebaluatzeko beste irizpide bat proposatzen duena.

Ignacio Fernández Sanz
Iberdrolako inbertsiogileekiko harremanen saila

Ignacio Fernandez Sanz "Dagoeneko ez da nahikoa epe laburrera hazkunde ekonomikoa lortzea, baizik eta inguruan aberastasuna sortu behar da eta epe luzera iraunkorrak izango diren negozioen aldeko apustua egin, horrek, aldi berean, enpresa balioa indartzen baitu."

Informazio gehiago
Ezkutatu informazioa
+-

ESG irizpideak oso garrantzitsua dira enpresa munduan, enpresek, beren negozioa aurrera eramatean, gero eta gehiago begiratzen baitiote giza eta gizarte alderdiari. Izan ere, dagoeneko ez da nahikoa epe laburrera hazkunde ekonomikoa lortzea, baizik eta inguruan aberastasuna sortu behar da eta epe luzera iraunkorrak izango diren negozioen aldeko apustua egin, horrek, aldi berean, enpresa balioa indartzen baitu. Finantza munduak irizpide horiei gero eta garrantzi handiagoa ematen die: funtsen kudeatzaile handi eta inbertsiogile askok errentagarritasun ekonomiko segurua bilatzen dute, arriskurik gabea eta epe ertain eta luzera iraunkorra. Gainera, funts mota batzuek mugak izan ditzakete inbertitzeko orduan. Esate baterako, inbertsioa jasotzen duten enpresei eskatzen zaie begirunez jokatzea bai gizartearekin eta bai ingurumenarekin, edo eraginkortasunez eta jardunbide desegokirik gabe zuzenduta egotea. Ingurumenari, gizarteari edo gobernu korporatiboari lotutako jardunbide desegokietatik eratorritako ondorioek arriskua areagotzen dute eta horrek inbertsioak eta inbertsiogileen konfiantza kaltetzen ditu. Beraz, beharrezkoa da hiru esparruak kontrolatzea.

ESG Summer Programme programak ESG irizpideen ikuspegi teorikoa eskaintzen du, unibertsoko eragile desberdinen begietatik (konpainiak, funtsen kudeatzaileak, gobernuak, agentzia kalifikatzaileak…). Gainera, ariketa praktikoak egiten dira, irizpide horiek erabiltzen ikasteko, inbertsio zorro bat sortzeko orduan. Ikastaroak aukera ematen du Biscay ESG Global Summit biltzarrean parte hartzeko. Hala, ikasleak ikus dezake zer-nolako dimentsioa ari den hartzen inbertsio jasangarriaren joera hau.

ESG unibertsoa ulertzeak aukera eman dit oso gainetik ezagutzen nuen esparru honetan murgiltzeko. Bestalde, Biscay ESG Global Summitean parte hartzeak erakutsi zidan eragileek eta, bereziki, funtsen kudeatzaileek, garrantzi handia ematen diotela gai honi. Hain zuzen ere, funtsen kudeatzaile horiekin eguneroko edo asteroko harremana dugu gure sailean. Beren kezkak edo interesak ezagutzea eta haiekin egunean egotea oso lagungarria da nire lanpostuan.

Pablo Castro
Inbertsio eta negozio arduraduna Errenta Finkoko arloan – Norbolsa Balio Sozietatea SA

Pablo Castro"Aukera paregabea izan zen ESGren munduko stakelholder nagusiei entzutea eta haiengandik ikastea, hain ingurune hurbilean. "

Informazio gehiago
Ezkutatu informazioa
+-

Gaur egun, ez da nahikoa inbertsioei finantza errentagarritasuna ateratzea, baizik eta errentagarritasun hori erantzukizunez atera behar zaie. Nire ustez, denborak erakutsiko du erantzukizunik gabe jokatzen duten enpresek errentagarritasun txikiagoak lortzen dituztela. Bide luzea dugu aurrean, baina argi dago ESG irizpideek gero eta garrantzi handiagoa izango dutela inbertsioen balorazioetan eta erabakietan eta, horrenbestez, garrantzia hartzen joango dira enpresa guztien negozio ereduetan.

Esperientzia oso positiboa izan da. Aukera paregabea izan zen ESGren munduko stakelholder nagusiei entzutea eta haiengandik ikastea, hain ingurune hurbilean. Hitzaldiak entzuteaz gainera, oso aberasgarria izan zen beste profesional batzuekin eztabaidatu ahal izatea gaiak gure lanbideetan dituen eraginen inguruan.

Errenta finkoaren munduan, ia ezinezkoa da merkatu joerei ez jarraitzea. ESG irizpideak figura berriak ekartzen ari dira, finantzaketa tresna berriak eta inbertsio irizpide berriak. Summer Programme oinarri zoragarria da nire egunerokora iritsi diren kontzeptu horietan guztietan sakontzeko. Mintegiari esker, ezagunagoak zaizkit orain.