"Enpresak aberastasuna sortu behar duela gizarterako esaten eta onartzen da, gizarte horren aurrerakuntza eta garapena bultzatzen dituen zelula gisa, jarduera ekonomikoa gero eta globalagoa den munduan. Rol garrantzitsu horrek enpresaren eta gizartearen arteko informazio kanalak izatea eskatzen du, funtzio hori zein puntutaraino betetzen den zehazten laguntzeko.

Enpresak ematen duen informazio multzo horretatik ekonomia eta finantza esparrukoa da nabarmentzen dena, bere paper nagusiagatik. Esparru horretan hartzen du aparteko garrantzia kontu ikuskaritzak.

Kontu Ikuskaritzako Masterrak etorkizuneko kontu ikuskatzaileak prestatu nahi ditu, kontularitzako informazioa aztertzeko behar dituzten jakite teorikoak eta praktikoak, aztertzeko eta egiaztatzeko teknika egokiak, eta informazioaren arrazoizkotasuna hirugarrenei azalduko dieten txostenak egiteko prestakuntza emanez.

Espainiako Kontuen Zinpeko Aztertzaileen Institutuarekin (Euskal Herriko Lurralde Elkartearekin) batera antolatzen dugun programa horretan, gure inguru hurbileko kontu ikuskaritzako enpresarik nagusienen laguntza dugu gure lana burutzeko Arlo horretako profesionalik ospetsuenek laguntzen dute aurrez aurreko saioak eskaintzen, baita gure ikasleek ikastaroaren barruan egin ohi dituzten praktiketan ere.

Urtero, hogei ikasle inguruk hartzen dute parte gure programan. Proiektuak zuri ere ilusioa sortzea espero dugu."